除咗醫青春痘之外仲要識挑懶筋 懒筋即係…

In addition to treating acne, also need to wake her up.

媽媽帶著一個少女進來，說：「你睇佢個樣，唔使問都知佢要睇乜嘢啦，係唔係呀？」

醫師我說：「青少年男女青春的煩惱。」

媽媽說：「對了。另外我想問你識唔識挑懶筋？」

醫師我說：「乜有懶筋既咩，仲可以挑走咁神奇，我都好想知係邊處呀？同埋點樣可以挑走佢呀？」

媽媽說：「唔好玩啦！佢日日放學返嚟就即刻瞓咗係梳化椅，瞓一排先至起身沖涼同埋做功課，咁你話佢係唔係有好多懶筋喇？」

醫師我說：「咁之麻。懶筋呢，我就唔知係邊，就更加唔識挑啦。不過，佢既情況就肯定可以改善。只怕你第日可能要投訴第二樣問題啫？」

媽媽說：「你同佢攪掂先算啦，第日既事第日再打算啦。咁，第日會有咩事呀？而家講唔講得呀？」

醫師我說：「第日放學返嚟唔一定讀書、做功課，可能係去街、睇電視、對住個電腦，又或者打機之類啦。」

媽媽說：「好彩啫，仲以為係乜添。無問題啦，我就寧願佢肯去街好過成日掛住瞓覺喇！」

其後一次覆診，媽媽說：「俾你估中咗，佢真係去多咗街。」