婆婆問：「成日聽見人話花旗參煲雞，究竟係涼還是熱既唧？」。
我說：「呢個問題…」。
我說：「呢個問題真係唔係咁簡單。花旗參係涼，雞就偏熱。要視乎落幾多花旗參同埋幾多雞。
如果一両花旗參煲一隻雞髀，煲一碗水，就梗係好涼啦。煲十碗水，飲一碗，都係涼架。
如果一両花旗參煲一隻斤幾重既芝麻雞，煲一碗水，都會係涼架。煲十碗水，飲一碗，都會係少少涼架。
如果一両花旗參煲一隻四斤重既大肥雞，一碗水，就無咁涼啦。煲十碗水，飲一碗，就唔涼得去邊啦。
如果一錢花旗參煲一隻雞髀，煲一碗水，應該唔係幾涼唔係幾熱啦。煲十碗水，飲一碗，無問題啦。
如果一錢花旗參煲一隻斤幾重既芝麻雞，煲一碗水，都應該平和嘅。煲十碗水，飲一、兩碗，都無問題啦。
如果一錢花旗參煲一隻四斤重既大肥雞，一碗水，就熱架啦。煲十碗水，飲一碗，就少少熱啦。」。
婆婆說：「原來真係咁複雜既！我聽到頭都暈埋。」。
我說：「仲未計係野生花旗參定係白參充當花旗參喎！明唔明？」。
婆婆說：「明就明，不過就唔記得咁多，下次如果想煲果陣再問過你啦。」。
我說：「其實都好簡單。好似小朋友混水彩顏料一樣…
黑+白變灰。少些黑變淺灰，多些白變…
黃+藍變綠。少些黃變深綠，多些黃變…」。
婆婆說：「嘩！乜你講得咁易架？」。
#食療 #飲料 #湯水
沒有留言:
張貼留言