How to treat cholesteatoma?
Headache! Help! Extremely strong painkiller…
Headache – caused by a foreign object in the ear.
頭痛——耳內異物引起
她，五十餘歲。
剛走進來就急不及待地說：「唉！醫師，我好慘呀！經常頭痛，常常要吃止痛藥。最近更是常常晚上痛，痛到無法忍受，抱著頭大聲叫救命。痛得太緊要仲入過幾次醫院，在急症室內也高聲大叫。真係人人都怕咗我。打針、食藥都無法止痛。後來醫生俾咗極強止痛藥俾我，痛起來就食，食咗就唔痛，但係就俾好少。我怕麻煩，唔想成日要去醫院囉藥，咁就自己去買，點知周圍都買唔到，話要醫生紙。」
她繼續說：「終於俾我買到啦，但係又驚係假藥… 於是返醫院問醫生。醫生話：『唔好亂食呀，食咁多會食死你架。』即係又唔食得。痛起來又要入醫院啦，你話死唔死？」
她無哂心機，再繼續說：「我照過好似話耳仔入邊有粒嘢，叫做膽脂瘤，我叫佢地同我做手術，佢地話唔得。我又返國內再照過，佢地都係咁講。我無哂辨法，睇吓你幫唔幫到我啦！」
我說：「我都知你好慘，試吓食藥啦好嗎？」
她說：「好呀，我都係想咁。」
幾天之後，返來覆診，她說：「食咗你嘅藥之後就無咁頭痛啦，即使係痛都冇痛得咁犀利啦，同我再睇吓，再俾藥我食啦。」
我說：「咁咪好囉。」
小小女醫師(中醫師)：食止痛藥只係治標，根本沒有解決問題。她的問題在於瘀血積聚。
#膽脂瘤
愜意病案
沒有留言:
張貼留言