鬼剃頭

她，四十歲左右。

她說：「那天洗頭的時候突然覺得頭髮局部有點異常，洗完頭之後照鏡，發現有一處是完全沒有頭髮的，自己也不知道那些頭髮是甚麼時候脫掉的，嚇了一跳。第二天上班，與同事們談及頭髮的事。有同事說：『你死喇，被鬼剃頭。快啲去睇中醫啦。』。醫師，請問我是不是被鬼剃頭呢？」。

我說：「這種局部脫髮的情況學名稱為班禿，俗稱鬼剃頭，其實與鬼無關。再說，如果是鬼神之事，沒有理由找中醫師的呀！她有點戲弄你才是！」。

她說：「真係唔抵，俾佢戲弄咗都唔知！」。

我說：「你同事都叫你睇中醫啦，可能佢以前見過有人咁情形，睇中醫好咗，所以咪叫你睇中醫囉！」。

她說：「正衰鬼，唔死都俾佢嚇死！醫師，咁點算呀？有得醫掛？」。

我說：「算啦！雖然有少少戲弄你嘅成份，但係佢都講咗條啱嘅路叫你去行咯！」。

她說：「咁又係！知道邊啲地方有得醫都算好，唔使喺度好似盲頭烏蠅咁尋尋覓覓！有得醫就好啦。」。

我說：「咁咪喺囉！你介意針灸嗎？」。

她不假思索地說：「最緊要能好就甚麼方法都不會介意了！」。

我說：「怪不得你俾人戲弄咗都唔知啦！原來你有時都真係唔知有無諗過人哋講嘅嘢合唔合理嘅！」。

她說：「又好似係喎！」。

針灸數次後開始見到原來無頭髮的地方開始見到毛囊了，漸漸也見頭髮長出來了。

#頭髮 #脫髮