眼痛 嘩 對眼會飈火

寶釵：「醫師，救吓我呀！」。

我：「咩事咁嚴重呀？要救咁誇張！」。

寶釵：「醫師，真係嘅，我對眼會飈火，好鬼死痛，痛到成個人都好煩，好想鬧人，甚至想打人添！有冇得救唧？」。

我：「飈眼火？放心啦，食藥好易解決嘅咋！」。

寶釵：「醫師，有冇得再快啲呀！好鬼死辛苦呀！」。

我：「針灸你驚唔驚？」。

寶釵：「驚呀！… 唉！橫掂都咁辛苦，死就死啦！… 係唔係真係好快架？」。

我：「當然係啦，快過打針！」。

寶釵：「係就同我針啦！」。

我：「真係針啦嗎？咁我就針架啦。」。

說時遲，那時快。

寶釵：「咦！真係喎，已經冇頭先咁辛苦啦。早知只係咁少少痛就早啲針啦。成日聽人地話針灸好鬼痛，俾佢地嚇死就真。今晚有覺好瞓囉！」。

眼睛