落枕可以自己治療 方法好簡單

Stiff neck can be treated at home; the method is very simple.

落枕香港人叫做 瞓捩頸，多數人係朝早起身條頸好似梗咗咁郁唔到。任何年齡性別都會發生，有人話年紀大，退化先會瞓捩頸，中醫師我見過最年輕只得六歲，青少年都唔少，係咪退化？

呢啲瞓捩頸嘅人通常頸膊周圍嘅肌肉都係偏硬，皮膚表面溫度比正常體溫低，瞓捩頸之前通常郁個頭都會有聲音，向左轉、向右轉、仰頭、低頭都可能發出咯咯聲。有啲人一啲都唔注意乜都講唔出，只係識講而家痛、今朝起身開始郁唔到。

針灸、推拿治療瞓捩頸嘅效果都非常好。

瞓捩頸自己可以點做自救？

好簡單。開吹頭髮用嘅風筒開熱風吹頸膊周圍，幾分鐘就開始覺得啲肌肉冇咁僵硬，自己郁吓條頸可能就會覺得鬆啲，再吹多一陣就活動正常啦。

平常當然要注意條部保暖。着衫唔好太暴露，就係最佳保養方法。