婆婆問：「話時話，我真係好想知道點解咁多野你唔讀，會走去讀中醫既唧？」。
我說：「因為眼見中藥和針灸真的能為病人解除身體上的痛苦囉。」。
婆婆問：「咁係唔係好容易讀架？」。
婆婆急不及待地說：「有無攪錯呀，點會咁架！」。
我說：「真係架。點會攪得錯呀！聽住嚟，首先，所有教科書都係簡體字架，大部份參考書都一樣係簡體字架，果陣時我係唔識簡體字架！跟住，書入邊除咗簡體字之外仲有唔少字係我地平時見都未見過架，更加唔好講話識讀啦！仲有呀，唔好諗住問教授或者講師呀！或者等上堂聽佢講呀…」
...
...
我說：「你唔好咁心急，唔好插嘴住啦！因為佢地大部份都唔係香港人，好多時上堂都係講普通話，好彩就講標準普通話，唔好彩遇到個北京腔既又或者係上海音好重既，咁就唔該自己加倍努力喇！」。
婆婆說：「咁就真係都幾慘喎！咦！咁咪會有好多笑話？」。
我說：「咁多野要讀，咁鬼辛苦，邊有心情諗笑話呀！有語言隔膜有時聽咗都唔識笑啦！聽得明…都已經偷笑啦。」。
婆婆說：「咁慘！咁學費貴唔貴呀？」。
我說：「貴唔貴？咁其實就見人見智啦，幾平都有人話貴，幾貴都有人話平。你話係唔係？」。
婆婆說：「咁又係。咁究竟幾多錢唧？」。
我說：「一年學費就幾萬銀啦。」。
婆婆說：「咁都幾貴喎！仲要係你讀果陣時喎。咁仲有無其他使費呀？」。
我說：「返國內實習囉。」。
婆婆說：「實習唔係有錢收既咩？你有無講錯呀？」。
我說：「無講錯。實習既學費比上堂既學費仲要貴。另外仲有長途拔涉既飛機票支出、無家可歸既酒店住宿費、無飯家庭一日三餐在外邊吃既消費和少許不能預計的消費…」。
婆婆說：「咁真係要用好多錢喎。我個…而家讀緊中醫，唔怪得佢媽媽成日話佢個女使錢使得多啦，等我話俾佢聽先得，等佢唔好成日係咁哦，黑天哦白天又哦，真係好煩。」。
我說：「而家點，我就唔清楚咯，制度常變啦麻。不過，好似呢兩三年如果成功申請到返國內讀大學，就係自己人收費。」。
婆婆問：「乜嘢叫做自己人收費？」。
我說：「即係中國人收費，中港臺一樣。」。
婆婆說：「咁又幾好喎。」。
- 仲慘過讀西醫喎，簡體字係最攞命之一，其二就係Ｄ中藥名，
